Ləğvetmə və geri ödəniş
Versiya 2026-08-17 · son yenilənmə 17 avq 2026
Hər elanın öz ləğvetmə siyasəti var və o, elan səhifəsində, bron ekranında və bron təsdiqində göstərilir. Aşağıdakı cədvəl saytın hazırkı siyasətləridir.
| Siyasət | Pulsuz ləğvetmə həddi | Həddə qədər geri ödəniş |
|---|---|---|
| ÇevikGirişdən 24 saat əvvələ qədər tam geri ödəmə. | Girişə 1 gün qalmış | 100% |
| OrtaGirişdən 5 gün əvvələ qədər tam geri ödəmə. | Girişə 5 gün qalmış | 100% |
| SərtGirişdən 14 gün əvvələ qədər 50% geri ödəmə. | Girişə 14 gün qalmış | 50% |
Necə hesablanır
- Son tarix qalmanın giriş saatından geri sayılır. Elan "giriş 14:00-dan sonra" deyirsə, 24 saatlıq hədd bir gün əvvəl saat 14:00-da bitir.
- Məbləği server hesablayır, brauzer yox. Elan səhifəsində göstərilən tarix və faiz ilə ləğvetmə anında tətbiq olunan rəqəm eyni mənbədən gəlir.
- Bron edərkən qüvvədə olan şərt həmin bronun üzərinə yazılır. Siyasət sonradan dəyişsə, sizin bronunuz köhnə, yəni razılaşdığınız şərtlə hesablanır.
Kim ləğv edir, nə dəyişir
- Qonaq ləğv edərsə, yuxarıdakı cədvəl tətbiq olunur. Həddən sonra geri ödəniş olmur.
- Ev sahibi və ya Bronix ləğv edərsə, siyasətdən asılı olmayaraq tam məbləğ qaytarılır. Sərt siyasət ev sahibini fikrini dəyişən qonaqdan qorumaq üçündür, özü ləğv edəndə pulu saxlamaq üçün deyil.
- Qalma başlayandan sonra qonaq özü ləğv edə bilmir; belə hallar üçün dəstəyə yazın.
Geri ödəniş necə gedir
Ləğvetmə anında geri ödəniş tələbi avtomatik yaranır, siz ayrıca müraciət etməli deyilsiniz. Hazırda ödəniş yerində, nağd alındığı üçün qaytarma da ev sahibi ilə yerində həll olunur; kart ödənişi işə düşəndən sonra məbləğ ödədiyiniz karta qaytarılacaq və bu səhifə müddətlə birlikdə yenilənəcək.
Fövqəladə hallar
Təbii fəlakət, yol bağlanması və ya rəsmi qadağa kimi hallarda siyasətdən asılı olmayaraq tam geri ödəniş veririk. Bunun üçün dəstəyə yazın və hadisəni təsdiqləyən məlumatı əlavə edin.