Məxfilik siyasəti

Bu sənəd Bronix-in hansı məlumatı topladığını, niyə topladığını və nə qədər saxladığını izah edir. Burada yazılan hər şey saytın həqiqi davranışıdır, ümumi ifadələr toplusu deyil.

Topladığımız məlumat

• Hesab məlumatı: ad, e-poçt, istəyə bağlı telefon. Şifrə heç vaxt açıq saxlanmır, yalnız scrypt hash-i saxlanılır.
• Bron məlumatı: tarixlər, qonaq sayı, məbləğ, ləğvetmə halında kimin və nə vaxt ləğv etdiyi.
• Yazışma: ev sahibi ilə mesajlar, dəstək müraciətləri.
• Texniki məlumat: IP ünvanı və brauzer sətri təhlükəsizlik jurnalında (uğursuz girişlər, sürət limiti) və audit qeydlərində saxlanılır.
• İstifadə statistikası: hansı səhifələrə baxıldığı və nə axtarıldığı. Bu, öz serverimizdə saxlanılır; üçüncü tərəf analitika skripti, reklam pikseli və izləyici yoxdur.

Nə etmirik

• Məlumatınızı satmırıq.
• Reklam şəbəkələri ilə paylaşmırıq.
• Kart məlumatı toplamırıq: hazırda ödəniş yerində edilir, sayt kart nömrəsi görmür.

Niyə saxlayırıq

• Xidməti göstərmək üçün: bron, mesajlaşma, rəy.
• Təhlükəsizlik üçün: sui-istifadə, saxta hesab və brute-force cəhdlərinin qarşısını almaq.
• Qanuni öhdəliklər üçün: maliyyə və vergi sənədləri.

Nə qədər saxlayırıq

Hesab məlumatı hesab silinənə qədər saxlanılır. Bron və ödəniş qeydləri mühasibat tələbləri səbəbindən hesab silinsə də saxlanıla bilər, lakin şəxsi əlaqə məlumatı çıxarılır. Təhlükəsizlik jurnalları məhdud müddət saxlanılır.

Kimlə paylaşılır

Bron etdiyiniz zaman ev sahibi adınızı, qalma tarixlərini və qonaq sayını görür. Ev sahibinin adı və soyadı isə bron təsdiqlənənə qədər sizə qismən gizli göstərilir. Bundan başqa məlumat yalnız qanuni tələb əsasında və tələbin həcmində verilir.

Hüquqlarınız

• Sizin haqqınızda saxladığımız məlumatın surətini istəyə bilərsiniz.
• Yanlış məlumatın düzəldilməsini tələb edə bilərsiniz.
• Hesabın və şəxsi məlumatın silinməsini istəyə bilərsiniz; yuxarıdakı mühasibat istisnası qalır.

Müraciət üçün: destek@bronix.az. Cavabı 30 gün ərzində veririk.

Təhlükəsizlik

Şifrələr scrypt ilə hash-lənir, sessiya çərəzi imzalanır və şifrə dəyişikliyi bütün cihazlardakı sessiyaları etibarsız edir. Yüklənən şəkillər yenidən emal olunur, yəni faylın içindəki gizli məlumat (o cümlədən GPS koordinatları) saxlanılmır.